P
2024 EGUTEGI ONENAREN BILA – ARGAZKI LEHIAKETA

2024ko EGUTEGI ONENAREN BILA GABILTZA ETA HORRETARAKO ZUEN LAGUNTZA BEHAR DUGU!

Buruan daukagun egutegi honetarako argazkiak behar ditugu eta argazki lehiaketa bat martxan jartzea pentsatu dugu. Irailaren 11ean hasiko da eta urriaren 22ra arte iraungo du (biak barne).

Parte hartzaileek Villabona-Zizurkilko herriarekin, merkataritza eta komertzio txikiarekin zerikusia duten argazkiak bidali beharko dituzte emailez info@tolosaldeamerkataritza.eus helbidera. Emailean izen-abizenak, adina (edo jaiotze data) eta telefono kontaktu bat jarri beharko dituzte.

Argazkiak horizontalean bidali beharko dira (tamaina 25x22cm., 300ppp resoluzioan eta gehienez 4MB).

Hilabete bakoitzerako argazki bat aukeratuko da eta beste bat portadarako. Hau da, 13 argazki aukeratuko dira eta 13 sari egongo dira.

SARIA: argazki aukeratu bakoitzeko 10€ko opari-txekea herriko dendetan trukatzeko.

Animatu egutegiaren parte izatera!

LEGE OINARRIAK

1. Lehiaketa antolatu duen erakundea eta helburua
Sustapen-jarduera Villabona-Zizurkilgo (Oria) Merkatarien Elkarteak antolatuko du, bere merkataritza-jarduera sustatzeko helburuarekin.

2. Lehiaketaren parte hartzaileak
Aiztondo bailaran bizi diren adin nagusiko pertsonek parte har dezakete lehiaketan.

3. Lehiaketaren data
Lehiaketa hau irailaren 11tik urriaren 22ra egongo da indarrean, biak barne.

4. Lehiaketa eta sariak/Parte hartzeko eta sariak lortzeko mekanika
Oria Merkatarien Elkarteak promozio-egutegiak egitea aurreikusi du 2024ko ekitaldirako. Egutegi horretako argazkiak aukeratzeko, argazki lehiaketa bat jarriko da abian. Parte hartzaileek udalerriarekin eta bertako merkataritza eta komertzio txikiarekin nolabaiteko harremana duten argazkiak bidali beharko dituzte. Egutegiko hilabete bakoitzerako argazki bat aukeratuko da eta beste bat portadarako. Parte hartzeko epea amaitu ondoren, argazki irabazleak aukeratuko dira. Argazki horien egileek opari txekeak irabaziko dituzte elkarteko establezimenduetan trukatzeko. Hileroko orri bakoitzerako aukeratutako argazkiek eta portadako argazki irabazleak 10 euroko hobaria izango dute.

5. Sariaren jakinarazpena
Urriaren 23ko astean argitaratuko da irabazleen zerrenda elkarteko Instagram eta Facebook kontuan. Gainera, telefonoz jarriko dira haiekin harremanetan, lehiaketako irabazleak izan direla jakinarazteko. Saria modu fisikoan jasoko da eta argazki bat egingo zaio irabazleari, dagokion saria duen txartela emanez, argazki hori gero Oriak dituen sare sozialetara igo dadin. Sariaren zenbatekoa Oria merkatarien elkartera atxikitako establezimenduetan trukatu beharko da.

6. Enpresaren erantzukizuna
Enpresa antolatzaileak beretzat gordetzen du lehiaketa laburtu, luzatu, aldatu edo bertan behera uzteko eskubidea, hala komeni dela uste badu, edo lehiaketa egitea eragozten duten kasu bereziak gertatzen badira edo lehiaketa egitea eragozten duten aparteko egoerak gertatzen badira. Era berean, Oriak beretzat gordeko du bere enpresa-filosofiarekin bat ez datozen edo beste internauta batzuentzat iraingarritzat jotzen diren argazkiak edo iruzkinak ezabatzeko eskubidea. Web orriaren edo sare sozialen bidez egiten diren baieztapenengatik ez die erantzukizunik hartuko hirugarrenei, eta horien aurka egokitzat jotzen dituen jarduketa judizialak egin ahal izango ditu. Era berean, ez du bere gain hartuko irabazleak saria gozatzen duenean gerta daitezkeen kalte-galeren erantzukizuna.

7. Datu pertsonalen tratamendua
Emandako datu pertsonalak Oriaren jabetzako fitxategi automatizatu batean sartuko dira. Datu horien tratamendua Datu Pertsonalak Babesteari buruzko abenduaren 13ko 15/1999 Lege Organikoan eta Informazioaren Gizarteko eta Merkataritza Elektronikoko Zerbitzuei buruzko uztailaren 11ko 34/2002 Legean ezarritakoaren arabera egingo da. Oriak eskubidea izango du parte-hartzaileei informazioa emateko enpresak ondoren edozein bide erabiliz egiten dituen sustapenei eta merkataritza-ekintzei buruz.

8. Lege aplikagarria
Lehiaketaren lege-oinarri hauetan zehazten ez den guztirako, une horretan indarrean dagoen Espainiako araudiaren mende egongo da sustapena. Auzirik egonez gero, Gipuzkoako epaitegi eta auzitegiek ebatziko dute auzia, aplikatu beharreko araudiaren arabera legokiokeen foruari kalterik egin gabe.

9. Lehiaketa honen oinarriak onartzea
Lehiaketan parte hartzean eta datu pertsonalak ematean, berariaz onartzen dira lehiaketari buruz aipatutako oinarriak. Bidalitako argazkiak Oria Merkatarien Elkarteak bakarrik erabiliko ditu bere webgune, sare sozial edota paperezko argitalpenetan. Informazio gehiago nahi izanez gero, enpresa antolatzailearekin harremanetan jarri 688 88 54 96 telefono zenbakira deituz edo email bat bidaliz (info@tolosaldeamerkataritza.eus).